Sunčanu kapiju smo, silom prilika, stavili na led prije gotovo dvije godine. Za godinu dana, koliko je prva verzija bila onlajn, objavili smo oko 1000 postova – što izvornih, što prenesenih iz partnerskih medija. Fokusirali smo se na vijesti iz kulture, umjetnosti, književnosti, nauke i posebno njegovali autorske tekstove iz svih oblasti za koje smo smatrali da zanimaju prevashodno nas same. A sebe smatramo običnim ljudima sa običnim interesovanjima. Definiciju “običnog” izvedite iz sadržaja koji se još uvijek nalaze na sajtu Sunčane kapije.

Upoznali smo fantastične ljude – neke od njih i uživo. Za Sunčanu kapiju su slali tekstove Merima Omeragić, Saša Knežević, Magdalena Blažević, Magda Peternek, objavljivali smo radove Nađe Bobičić, Azre Fiole, Sanje Dutine, Marie Bolevich i mnogih drugih, a onda smo, silom prilika, stali. Bez bilo kakve materijalne podrške od bilo koga, pod prijetnjom sudskim postupkom, malo smo se primirili.

Na taj volonterski angažman sada se nastavlja nešto drugo: prije nekoliko dana registrovali smo udruženje građana “Sunčana kapija”. O tome ko stoji iza nove Sunčane kapije i čime ćemo se baviti, čitaćete, nadam se, uskoro. Nastavljamo sa objavljivanjem zanimljivih tekstova, intervjua, reportaža i prikaza, ali fokus prebacujemo na… :)

Comments

comments